Ribes speciosum

species of plant

Species

SPECIES

KingdomPlantae
PhylumTracheophyta
ClassMagnoliopsida
OrderSaxifragales
FamilyGrossulariaceae

Native toCalifornia, Mexico Northwest

Observations recorded8,238

Fuchsijokwětny januškowc (Ribes speciosum, němsce Fuchsienblütige Johannisbeere) je kerk ze swójby kosmačkowych rostlinow (Grossulariaceae). Wobsah 1 Wopis 1.1 Łopjena 1.2 Kćenja 1.3 Płody 2 Stejnišćo 3 Rozšěrjenje 4 Nóžki 5 Žórła 6 Eksterne wotkazy Wopis Fuchsijokwětny januškowc je w lěću zeleny, ćernjojty kerk, kotryž docpěje wysokosć a šěrokosć wot hač do 2 m. Młode wurostki su čerwjene. Rostlina je přećiwo zmjerzkej čućiwa. Kałače docpěja dołhosć wot 10 hač do 20 mm. Łopjena Owalne łopjena su třilapate hač pjećlapate, błyšćace zelene a docpěja wulkosć wot 1 hač 3,5 cm. Při tym škałoby mjezy lapami su wuske. Jich stołpiki docpěja dołhosć wot 0,5 hač do 2 cm. Jich baza je klinojta. Kroma njese małko płonych zubkow. Kónčki su skulojćene. Kćenja Kćěje w pózdnjej zymje. Wuske, dele wisace kćenja su čerwjene, šěrše hač dołhe a steja po jednym abo po dweju hač po štyrjoch w 2 hač 7 cm dołhich pakićach. Jich dołhe próškołopješka su čerwjene a dwójce hač štyri króć tak dołhe kaž krónowe łopješka. 4 čerwjene keluškowe łopješka su zrunane a docpěja wulkosć wot 6 hač do 10 mm. 4 čerwjene krónowe łopješka su zrunane a dołhojte, maja nutř žołmičkatu kromu a docpěja wulkosć wot 6 hač do 10 mm

via GBIF · Kew POWO