Book of the 24 Philosophers

Prologus Congregatis viginti quattuor philosophis, solum eis in quaestione remansit: quid est Deus? Qui communi consilio datis indutiis et tempore iterum conveniendi statuto, singuli de Deo proprias proponerent propositiones sub definitione, ut ex propriis definitionibus excerptum certum aliquid de Deo communi assensu statuerent. Prologue Upon a gathering of twenty-four philosophers, only one question remained for them to answer: what is God? They then agreed to have a recess, in order for each of them to come up with a definition in his own terms, to gain some certainty from their individual definitions and thus be able to make a consensual assertion about God. Liber viginti quattor philosophorum 1.Deus est monas monadem gignens, in se unum reflectens ardorem. 2.Deus est sphaera infinita cuius centrum est ubique, circumferentia nusquam. 3.Deus est totus in quolibet sui. 4.Deus est mens orationem generans, continuationem perseverans. 5.Deus est quo nihil melius excogitari potest. 6.Deus est cuius comparatione substantia est accidens, et accidens nihil. 7.Deus est principium sine principio, processus sine variatione, finis sine fine. 8.Deus est amor qui plus habitus magis latet. 9.Deus est cui soli praesens est quidquid cuius temporis est. 10.Deus est cuius posse non numeratur, cuius esse non clauditur, cuius bonitas non terminatur. 11.Deus est super ens, necesse, solus sibi abundanter, sufficienter. 12.Deus est cuius voluntas deificae et potentiae et sapientiae adaequatur. 13.Deus est sempiternitas agens in se, semper divisione et habitu. 14.Deus est oppositio nihil mediatione entis. 15.Deus est vita cuius via in formam est veritas, in unitatem bonitas. 16.Deus est quod solum voces non significant propter excellentiam, nec mentes intelligunt propter dissimilitudinem. 17.Deus est intellectus sui solum, praedicationem non recipiens. 18.Deus est sphaera cuius tot sunt circumferentiae quod puncta. 19.Deus est semper movens immobilis. 20.Deus est qui solus suo intellectu vivit. 21.Deus est tenebra in anima post omnem lucem relicta. 22.Deus est ex quo est quicquid est non partitione, per quem est non variatione, in quo est quod est non commixtione. 23.Deus est qui sola ignorantia mente cognoscitur. 24.Deus est lux quae fractione non clarescit, transit, sed sola deiformitas in re.